تطـــري لعينـي

تطـــري لعينـي شوفتــه كـل ماغـاب
وإحســاس قلبـي يحتـرق بالثوانــي

الله حسيب الـوقــت لا فـرق أحبـاب
مـن عبرتي قامـت حروفـي تعانـي

عجزت أسلـي خاطـري كل ماخـاب
سهير ليلـي مـن جروحـي أعانــي

ياما نويت اقرب علـى بعـد الاحبـاب
وأرتاح واطوي صفحة من زمانـي

لكـن ذكـرت إن الوفـا لملـم أغـراب
وسط الحشى صوته عظيم المعاني

جيت أعتذر ياصاحبي دون الأسباب
لــو ذكـرهـا شب الجمـر ماكوانـي

آسف على الغيبه مادام العـذر غـاب
وآسـف وصفتــك يازمانــي أنانــي

سـامحـك ربـي يازمــن دوم غــلاب
حـملك ثقيــل وقـل وقتــي حدانـــي

مـاكنـت أعـدك يابحر تحمـل أتعـاب
واليـوم أشوفــك لجل حملـي تعانـي

خذني بحضنك غير لا توصي أقراب
وبيــع الزمـان اللـي عذابـه غشانـي

بين الغريب وبين همسـات الأغـراب
هنــاك وســط الـمـا تجــدد مكانـــي

شافت عيونـي صـورته سحرهـا ذاب
ماهـو مـن الـمـا من غياب الأمانـي

جتنــي تقـول بغيبتـــك مولـدي غــاب
ياهــي كثيــر أيــام موتــــي لفانــي

كانـت مشـاعــر صـادقة بعدهــا تـاب
كــل الكـلام اللـي لفكـري عصانـي

نامـت عيونــي تجبــر الدمــع ينســاب
بسكـات هلـت فــوق ذيـك المحانـي

حلفت لنســى واهتنــي واقفــل أبـواب
ماعــاد يهدينـي الزمـن جرح ثانــي