عذب الكلام ..
من صدوق المزن ,,
اليكم ااحساس القلب الحساس ..
/
يا مليح الوصف ياعذب الكلام
الشعر باالوصف ماعمره طرى
ياصدوق المزن ياريح الخزام
هل ترى ياصفك شعري هل ترى
مبسمك وردي ولشهد أنضمام
النحل ياكلك لو عنك درى
نور خدك شع من خلف اللثام
كن براق السحر لا من سرى
جسمك الريان منحوت الحزام
غصن موز<ن>مال في جوف الثرى
يادعج العينين نظراتك سهام
سهم حبك في معاليقي جرى
التخايل فاالمشي مثل الحمام
يارقبة الخشف طير الحمرى
لو تفكين الشعر طاح الظلام
طاح جفن الليل في متن القرى
قلت لك مليون ياخلي حرام
أرفقي بشويش جرحي مابرى
كل ماجيتي وقلتيلي سلام
جف ريقي كن فاالساني غرى
أحسبن صوتي بياصلك تمام
وثر مابه حس ولا عني درى
قال وش بك ماتردلي سلام
وش بعبدالله مغمض مايرى
قلت باالمبحوح يابدر التمام
أشهد أن الصوت لاشفتك زرى
عشق مدري حب لا والله غرام
لكن الناتج : ترى عفت الكرى
قالت أن العشق يحرمك المنام
لا تهيم أتروح تتركني ورى
دام أنا وياك في شمس الهيام
أسئلك ياعذب الإحساس الذرى
قلت هيا روضتي سفح الغرام
ياغلاتي كل جرح لك برى
/
/
عذب الاحساس
/
/
ستكوون الوداع فعلا ..
رسالتي الشعريه بعثتها لكم ..
وآسف لمن اخطئت بحقه بدون قصد ..
[center]
موضوع: صدوق المزن 
الإثنين أكتوبر 26, 2009 11:19 pm