ليلة سبت لاتنسى

قصيدة مسافرة لوقفة وفاء !!.. لتلك التي اختزلت اصالة الجموع..
وليلة سبت لاتنسى


يالشـعـْـر صدري قــــام يزعق زعــــــــــيقة .. وانت الوحـــيد اللي اذا ضقت الاقيك

اقـــــــبل! وقــــــم! شــــــب القوافي حريقه .. وانسى الملا وجاوب فـــــتاة ٍ تناديك

لعــــــيونها ثغـْــــــر القلم زفّ ريــــــــــــقه .. يبيك تمــــــــــــــــــلي مايزفه لقاريك

يابنت لاتشــــــكين وقتك وضـــــــــــــــــيقه .. ملعـــون ابو منهــــو بوقتك يعنّـيـــك

ياللي على حـالي حـــــــــــنون ورفـــــيقـه .. لين احــتظر بردي على حضـْن دافيك

وقـفـــــتـْـك جـــــــــــــنبي دون كل الخليقه .. عــــلـّت بوسْـط العين هـامة مــبانيك

يوم ان كــلــّن راح واقفى بطــــــــــــريقه .. لقيتك بليلي شـــــــــــــــموع ٍ تسميك

قبلك واهــــــــــاتي بصدري طــــــــــــليقه .. وجــــيتي وصارن في قيودك مشابيك

مسحــــــــــتي بيدّك جروح ٍ عمـــــــــــيقه .. وبك سال ضـــــيقي بين انامل اياديك

اصـــيله! ومـعْـدنـْـك بيّن بريقـــــــــــــــــه .. في وقت عجــْز اقرب قريب ٍ يجاريك

شـفـْـتـك وكــــــــنك وردة ٍ في حـــــــديقه .. والغــــــــــيم من ناعم نداويه يسقيك

الحســْــن تهـــــــــــمه في جنابك لصيقه .. من وين مارحتي تباري خطـــــــاويك

يالفاتنه!. يالناعـــــــــمه!. يالرقـــــــــيقه .. يالمــورقه!. يالمـــــزهره في معانيك

يالناهــــــظه!. يالمشبعه!. يالرشـــــــيقه .. من ردفك.! الـ صدرك!. لطلة معاليك

كن النحل من شــفـّـتك خـــذ رحـــــــيقه .. وكــن العسل حــلا ّ مذاقه بحـــــــــاليك

ادري احاسيسك بحـــــــــــــــبي غريقه .. ومافيه من يشـغـلـْك عنّي ويلهــــــيك

قــدْري بصـــــدرك زفــرته مع شهيقه .. لي عــبّرنه صدْق مافيه تشـــــــــــكيك

ماني من اهـْـل الكــــذب او من فريقه .. معاك ابصــدق وادري صدقي بيشـقيك

ياليتك بدنياي كــــــنتي عــــــــــــشيقه .. او ليت من يمنحـــْـك قــلــبه ويغــــليك

حــتى اضمـّـك من هـــــــمومك دقيقه .. وابادلك حــبّـك!!.. واحــــــــبك واهنيك

لاشك قــــــــلبي له ظروف ٍ تعـــــيقه .. وله وادي ٍ صــعــْب يتــلاقى بـــــواديك

ماعــاد به للحب شــــــــــــيّ ٍ يطيقه .. ولاعــاد به للحـــــــب درْب او مسـاليك

عن كـــــل بنت ٍ مات حـــيل اتخفيقه .. واولهن انتي رغــْم حـسْــن ٍ يغطــــــيك

لو لي على قلـــــبي حلول او طريقه .. ان يمــــــــطرك بأصدق حنانه ويرويك

روحــي وتبقــي في حـياتي صــديقه .. اقــــدرك واوقف مـعـك في مآســـــــيك

وتلقي بدالي رجــْــل روحــه شفيقه .. رجـْــــل ٍ صدوق ٍ يســـــــعدك في لياليك

وتـْـظــلـّي بعـــــــــيني فتاة ٍ شقيقه .. من منطلق اخـــــت ٍ ابادلـْـك واعــــطيك

اشكـرْك!. واشكــر كل كلمه رقيقه .. قـلتيهــا في حــــــــــــقي بوقتك وماضيك

شعــــوري ســطرته وهذي حقيقه .. في المــــــــنتدى بأصْدق قصــيده يحاكيك
[center]