الدوار

بسم الله الرحمن الرحيم



امر الدار واذكر ماجرالي واتعدّا الدار
واقول الحب مات ومن مشاوير الهوى توبه

والامني تعديته اجي راجع مع الدوار
اعوّد له وانا خابر وش اللي ردني صوبه

غرام في الحشا قد له سنين ثابت مابار
طعامه خافقي والدم الاحمر صار مشروبه

غرام مبتدا منشاه يوم ان الكبار صغار
ليال كلها فرحه وضحكة سن واعجوبه

على هذا مشينا لين صرنا في الحياه كبار
وكل في غرامه عايش ولاغير اسلوبه

ويوم اني نويت اطرب خفوقي واكمل المشوار
لفاني علم قالو جالهم غيرك وهلوبه

صرخت وتهت مدري وش حصل يااصحابنا وش صار
ونيران المحبه في خلايا القلب مشبوبه

عقب هذي عرفت ان الهوى موووت يحصد اعمار
وكم من واحد جاه البلا بأسباب محبوبه

ابي التوبه وقلبي عايش بالطيف والتذكار
وغلا محبوب روحي ثابت وماخف منسوبه


وسلامتكم